Aziz Nesin XX asr taraqqiyparvar turk adabiyotining peshqadam vakillaridan biridir. U 1915 yil 20 dekabrda Istambul yaqinida yer-suvsiz dehqon oidasida tug'ildi. Uning asl ismi - Mahmud Nusrat bo'lib, oddiy mehnatkash odamlar orasida o'sdi. San'atga qiziqdi, 10 yoshligidanoq yozuvchi bo'lishni orzu qilgan. Moddiy muhtojlik tufayli u ofitser (zobit) bo'lib yetishadi. Aziz Nesin O'zbekistonda ham bo'lgan (1965 y). «Bolalik chog'larimdan beri Toshkent va Samarqand men uchun ajoyib ertaklar, tengsiz, ro'yolar o'lkasi edi, - deb yozgandi u 1968 yilda. Adib badiiy ijodni she'rlar yozishdan boshlagan (1939-1943 y), 1943 yilda «Millat» jurnalida uning hikoyalari e'lon qilinadi. Ularga muallif avvalgi Vedia Nesiya taxallusi o'rniga Aziz Nesin degan imzo qo'yadi, 1944 yilda Aziz Nesin armiya safidan bo'shab, jurnalistika sohaeida ijlaydi. U tabiatan bolajon odam, bolalar hayotidan ularga atab ko'plab asarlar yozgan. Aziz Nesinga ijodda eng katta shuhrat keltirgan soha - hajviy hikoyachilik bo'ldi. «Mening hajvdan maqsadim - o'zim yashayotgan jamiyat va davrni aniq ko'rsatib berishdan, inson bolasining beo'xshov va hissiz rasmiy xujjatlarga kirolmaydigan yurak tepishini bayon etishdam iborat» - deb yozgan edi adib. Taniqli turk adibi Yashar Kamol Aziz Nesinning 60 yoshga to'lishiga bag'ishlangan tantanada so'zlagan nutqida uni «zamonimizning buyuk hajvchisi» deb atagan edi. Taniqli rus hajvchisi L. Lench esa: «Siz boshdan to tirnog'ingizning uchiga qadar turksiz, xuddi shu milliy xalqchil o'ziga xoslik sizning yorqin iste'dodimizning eng kuchli jihatidir», - degan edi Aziz Nesinga. 47-jildda ushbu buyuk satirikning ajoyib va qiziqarli hikoyalari o'rin olgan.