«Чинор» асари бир ўзбек оиласи ҳақида. Бу оила катта, кадимий, маданий, меҳнаткаш ва шу маънода «тагли-зотли». Унинг ҳар бир аъзоси халқ ҳаётида маълум бир масъулиятли юкни ўз зиммасига олган. Жонажон тупроққа чукур томир ёйган, бакувват ва кадимий Чинор мангулик рамзи, халқимиз рамзидир. Оила боши Очил бува сафари билан шартли равишда ўзаро боғланган қиссаларнинг ҳар бири мустакил ахлоқий-эстетик фикрни олдинга суради. Ҳикоятлар ва ривоятлар эса бу фикрларни қувватлаб, янада мустаҳкамлайди.